fbpx

O CENTRO GALEGO DE BARCELONA RENÓVASE E LOCE NOVA CARA

A fachada do histórico edificio no que se sitúa a entidade foi restaurada

Despois de varias semanas de traballos, o edificio do Centro Galego de Barcelona, na emblemática Rambla da capital catalá, renovouse e loce unha nova cara.
Obtida a preceptiva licenza, a fachada do inmoble foi restaurada mediante unha intervención que incluíu a reparación dos aplacados e balaustradas dos balcóns, laxas, cornixas e paramentos sobre as mesmas, así como actuacións puntuais de limpeza e pintura, ademais dalgunhas reparacións de danos ocasionados polo paso do tempo na mesma.

O Centro sitúase na coñecida como Casa Joan Güell, edificio señorial de 1865, obra de Pere Casany, no que residiu o citado industrial, así como o seu fillo, Eusebi Güell, mecenas de Gaudí, mentres se realizaban as obras da súa nova residencia, o próximo Palau Güell, deseñado polo autor da Sagrada Familia.

O inmoble está catalogado como de Interese Urbano na relación de bens de interese do patrimonio arquitectónico de Barcelona. Debido ao seu valor histórico, a restauración foi efectuada con todas as precaucións pertinentes, así como precedida por estudos previos a cargo dun arquitecto.

Por outra banda, as obras realizáronse seguindo estritamente os protocolos e medidas de prevención e seguridade relacionadas co coronavirus.

🔗 http://www.cronicasdelaemigracion.com/articulo/galicia/centro-galego-barcelona-renueva-luce-nueva-cara/20200520083139099513.html

#centrogalegobarcelona #galegosbarcelona #galegobarcelona

#aculturasegue #laculturasigue #cultura #reformas

#fachada #culturasegura #turimoseguro #associacionsegura

#turismogalicia #xuntagalicia #galiciaaberta #galiciamola

#larambla #rambla #barcelona #bcn #gaudi

#guell #eusebiguell #joanguell

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies