fbpx

OS SOCIOS DO CENTRO GALEGO DE BARCELONA FAN UN NOVO
PERCORRIDO POLO PARQUE NATURAL DO MONTSENY

Barcelona, 11 de novembro de 2019.- As camiñadas que organiza regularmente o
Centro Galego de Barcelona volveron onte ao Parque Natural do Montseny, esta vez
para facer un novo percorrido que partiu da localidade de Santa Fe. A entidade
programa estas excursións co dobre obxectivo de fomentar a convivencia dos socios
en actividades de lecer e de ampliar o seu coñecemento sobre o territorio e os valores
naturais e culturais de Cataluña.
A diferenza da realizada en abril, que discorreu desde Aiguafreda por unha das serras
máis afastadas do núcleo central do parque, a camiñada de onte seguiu un roteiro xa
clásico neste enclave. Así, desde Santa Fe, os socios do Centro subiron ata o cume de
Les Agudes (1.704 metros) e seguiron ata o Turó de l’Home (1.710 metros), o punto
máis alto do parque. O roteiro continuou polo Puig Sesolles e o Turó Gros antes de
baixar de novo a Santa Fe.
Os participantes gozaron no seu percorrido, de 12 quilómetros en total, de
impresionantes vistas e do espectáculo de cor que ofrecen háxalas desa zona nesta
época, ademais doutros valores como fontes ou pozos de xeo.
Declarado reserva da biosfera pola Unesco en 1978, o Montseny é o parque natural
máis antigo e un dos máis importantes de Cataluña, que reúne comunidades vexetais
propias dos tres biomas europeos: mediterráneo, eurosiberiano e boreoalpino e inclúe
o bosque natural de abetos máis meridional de toda Europa.

Os socios do Centro Galego de Barcelona fan un novo percorrido polo Parque Natural do Montseny

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies