OS SOCIOS DO CENTRO GALEGO DE BARCELONA VISITAN O
BARRIO GÓTICO DA CIDADE
Barcelona, 21 de novembro de 2019.- Dentro das actividades culturais e de ampliación
de coñecementos sobre a cultura e a historia de Cataluña organizadas pola entidade,
os socios do Centro Galego de Barcelona puideron coñecer onte máis a fondo, nunha
visita guiada por Alfonso Villar, a historia, a arquitectura e os monumentos do Barrio
Gótico da cidade, empezando pola Catedral e os seus 30 altares e incluíndo as murallas
romanas e as súas ampliacións, así como palacios e igrexas.
O Barrio Gótico constitúe o núcleo máis antigo de Barcelona e o seu centro histórico,
cuxa estrutura permaneceu intacta ata o século XIX, no que, entre outros cambios,
derrubáronse as murallas, transformáronse en prazas públicas os cemiterios
parroquiais e baleiráronse e cambiaron de uso grandes edificios. Actualmente
consérvanse fragmentos da primeira muralla fronte á Catedral.
Situado dentro do distrito de Ciutat Vella, componse de distintos barrios con
personalidade propia, como a Xudería, Santos Xusto e Pastor, Santa María do Piñeiro, a
Catedral, Santa Ana, A Mercé e o Palacio.